Það er óhætt að segja að íslenska landsliðið hafi náð athygli heimsins með stórkostlegum 2-0 sigri gegn Hollandi í undankeppni EM 2016 í kvöld.
Hollendingar hirtu bronsið á HM í Brasilíu í sumar en þeir áttu varla séns gegn agaðri vörn og Gylfa Þór Sigurðssyni á Laugardalsvelli.
Hollendingar hirtu bronsið á HM í Brasilíu í sumar en þeir áttu varla séns gegn agaðri vörn og Gylfa Þór Sigurðssyni á Laugardalsvelli.
Ísland er nú með fullt hús stiga eftir fyrstu þrjá leiki sína í riðlinum og er liðið eðlilega búið að vekja gríðarlega athygli fyrir þessa draumabyrjun. Er fjallað talsvert um leikinn gegn Hollandi á vefsíðum stærstu miðlanna í kvöld.
,,Íslenski miðjumaðurinn Gylfi Sigurðsson skoraði tvennu gegn Hollandi og setti gríðarlega pressu á Guus Hiddink. Þetta er í fyrsta skiptið sem Holland tapar fyrir Íslandi," segir í grein Daily Mail.
Í umfjöllun UEFA.com segir:,Ísland átti einn sinn sögufrægasta sigur þegar Gylfi Sigurðsson skoraði tvö mörk og tryggði liðinu sinn fyrsta sigur gegn Hollendingum."
Knattspyrnuvefurinn vinsæli, 101greatgoals.com, hrósar íslenska liðinu:,Ísland náði í stórkostleg úrslit í kvöld og vann Holland í fyrsta skiptið í sögunni í undankeppni EM 2016 í Reykjavík."
Athugasemdir