Ospina spilaði alla sex leikina í riðlakeppninni en hann hefur fengið það hlutverk að verma bekkinn í leikjum liðsins í ensku úrvalsdeildinni þar sem hinn tékkneski Petr Cech hefur verið í markinu.

Undanfarið hafa enskir fjölmiðlar sagt fréttir þess efnis að óánægja sé í herbúðum liðsins með að Wenger ætli að nota Ospina í leiknum á kostnað Cech.

Wenger hefur nú staðfest þær áætlanir sínar og sagði hann á blaðamannafundinum að hinn kólumbíski Ospina eigi stóran þátt í því að Arsenal hafi unnið sinn riðill í keppninni.