Þessi 55 ára gamli þjálfari hefur viðurkennt að hann sé ekki viss um hvar framtíð hans liggi og að leikurinn við Everton hafi líklega verið sá síðasti sem hann stýrir hjá West Ham.

Stjórn West Ham er reiðubúin að fá nýjan stjóra til starfa til að taka við af skotanum fyrir næsta tímabil. Enn er þó reiknað með að Moyes fari á fund í næstu viku til að ræða framtíð sína hjá félaginu.

Moyes tók við West Ham af Slaven Bilic í nóvember síðastliðnum á stuttum samningi sem rennur út í sumar. Tókst honum að snúa við gengi West Ham og enda í 13. sæti.

Hann hefur þó verið gagnrýndur af stuðningsmönnum fyrir leikstíl sinn auk þess sem Moyes lenti upp á kant við Andy Carroll undir lok leiktíðar.