„Við héldum boltanum, áttum fullt af færum, héldum hreinu og vörðumst vel. Við spiluðum vel út úr þessu."

Rétt fyrir leik kom algjör úrhellis rigning og segir Elías það hafi haft áhrif á leikmenn.

„Við vissum að það myndi rigna en ekki svona mikið. Það bættust auka fimm kíló á mann í þessari rigningu."

Elías skrifaði undir samning við sænska félagið Gautaborg í dag en hann hafði verið þar á láni undanfarna mánuði og staðið sig vel. Hann er spenntur fyrir því að vera áfram í Svíþjóð.

„Ég er mjög sáttur. Þetta er flottur klúbbur og ég er búinn að vera þarna í þrjá í og hálfan mánuð. Ég er mjög ánægður þarna og umgjörðin og allt í kringum þetta er mjög flott."

Viðtalið má sjá í heild sinni hér að ofan.