David James, markvörður ÍBV í Pepsi-deildinni, lék ekki með liðinu í kvöld gegn Portsmouth er liðin mættust í gógerðarleik á Fratton Park.
Portsmouth sigraði ÍBV með tveimur mörkum gegn einu á Fratton Park. Bradley Tarbuck og Liam Walker skoruðu mörk Portsmouth áður en Kjartan Guðjónsson minnkaði muninn á síðustu sekúndum leiksins.
Hermann Hreiðarsson lék bæði með ÍBV og Portsmouth í leiknum. Hann kom inn á fyrir Gunnar Þorsteinsson um miðjan síðari hálfleik áður en hann henti sér í Portsmouth-treyjuna.
Það vakti mikla athygli að David James, markvörður Eyjamanna, spilaði ekki gegn sínum gömlu félögum í Portsmouth, en hann átti upphaflega að byrja inná. Guðjón Orri Sigurjónsson var í marki, en James greindi frá því á Twitter að hann hefði ekki verið með vegna veikinda.
,,Frábært andrúmsloft á Fratton Park í kvöld! Takk fyrir að sýna stuðning og mæta. Ég er leiður yfir að hafa ekki spilað en ég hef verið að glíma við veikindi #pup," sagði James á Twitter í kvöld.
Athugasemdir