Guðmundur Kristjánsson og Matthías Vilhjálmsson voru báðir í byrjunarliði Start í kvöld og léku þeir allan leikinn, en Matthías komst á blað er hann kom Start yfir á 9. mínútu leiksins með laglegu skoti í vinkilinn.

Atle Brattum varð svo fyrir því óláni að skora í eigið net þegar um sjö mínútur voru eftir af fyrri hálfleik.

Meira var ekki skorað og fer því Start þægilega áfram í næstu umferð bikarsins. Start hefur byrjað vel í norsku úrvalsdeildinni, en liðið hefur gert tvö jafntefli og sótt einn sigur í fyrstu þremur leikjunum.