Hvernig er stemningin hjá Fjölni?
Stemingin er mjög góð hér í Fjölni, flestar búnar að þekkjast lengi og svo yngri stelpur og fleiri snillingar sem hafa komið frábærlega inn í hópinn.

Er mikill áhugi fyrir knattspyrnu kvenna í Grafarvoginum?
Áhuginn er að aukast mikið í Fjölni, erum með gott yngri flokka starf. Einnig eru Káramenn byrjaðir að mæta á leiki hjá okkur og hvetja sem hefur ekki verið áður og er æðislegt að sjá það gerast, þeir eru algjörir snillingar.

Ertu ánægð með spilamennsku þíns liðs í sumar:
Spilamennskan er búin að vera góð og höfum bætt okkur mikið en sumt hefur ekki fallið með okkur og hefðum við mátt gera betur í sumum leikjum.

Hvert er markmið Fjölnis á tímabilinu?
Að komast upp í 1.deild.

Lýstu liðinu í einni setningu:
Miklar keppnismanneskjur með góðan aulahúmor.

Hvað hefur komið þér mest á óvart í deildinni í sumar?
Hvað öll liðin í þessari deild eru jöfn og allir geta unnið alla.

Komdu með eina skemmtilega staðreynd um félagið sem fólk veit ekki :
Báðir þjálfararnir okkar eru þeir einu í 200 leikjaklúbb Fjölnis.

Eitthvað að lokum:
Hvetjum alla til þess að mæta á kvennaleiki sama hvaða deild það er! Og auðvitað áfram Fjölnir!