Ólafur Ingi, sem er 35 ára miðjumaður, er uppalinn hjá Fylki en hefur verið í atvinnumennskunni í mörg ár. Er eitthvað annað lið en Fylkir sem kemur til greina þegar hann kemur til Íslands?

„Það er í sjálfu sér allt opið. Ég hef ekki klárað neitt. Ég hef bara ýtt því til hliðar og verið að klára mín mál í Tyrklandi. Ég hef reynt að setja það aðeins á ís. Ég tek þetta á næstu vikum eða jafnvel bara eftir HM. Þetta kemur í ljós."

Fylkismenn hafa verið öflugir í byrjun tímabilsins í Pepsi-deildinni en Ólafur hefur alla tíð fylgst vel með sínu liði.

„Þeir eru mjög sterkir. Ég horfði á leikinn þeirra í gær í sjónvarpi og þeir líta mjög vel út. Helgi er að gera frábæra hluti og þeir eru í raun óheppnir að hafa ekki tekið fleiri stig," segir Ólafur en Fylkir vann 2-1 sigur gegn ÍBV í gær.