Gunnar Heiðar kom af bekknum og skoraði.
Gunnar Heiðar Þorvaldsson, spilandi aðstoðarþjálfari ÍBV, kom af bekknum og skoraði í tapleiknum gegn Grindavík.
Eyjamenn eru ólíkindatól og ótrúlega misjafnir milli leikja. Eftir flottan sigur gegn KR hélt jójó-ið áfram í kvöld.
Eyjamenn eru ólíkindatól og ótrúlega misjafnir milli leikja. Eftir flottan sigur gegn KR hélt jójó-ið áfram í kvöld.
Lestu um leikinn: Grindavík 3 - 1 ÍBV
„Það er eins og við getum ekki unnið tvo leiki í röð. Það var hrikalega barnalegur varnarleikur í þessum mörkum sem við fáum á okkur. Þetta var of auðvelt. Við vissum nákvæmlega hvað þeir voru að fara að gera. Hvort hausinn hafi ekki verið í lagi eða hvað skal segja... þetta voru hrikalega dýr mistök," segir Gunnar Heiðar.
Andri Rúnar skoraði tvö og lagði upp eitt.
„Ég þekki það sjálfur að vera senter og vera heitur. Þá gengur allt upp. Við komum til baka og eigum gjörsamlega seinni hálfleikinn. Við fórum inn í seinni hálfleik með það markmið að vinna hann og það gerum við. Auðvitað þarf að gefa liðinu klapp á bakið."
Eyjamenn breyttu um leikkerfi í hálfleik.
„Við héldum að við værum með kerfi í byrjun til að stoppa þá. Það var samskiptaleysi. Við einfölduðum þetta svo og kerfið í seinni hálfleik gekk vel. Allavega áttum við allan seinni hálfleikinn."
Viðtalið má sjá í heild sinni í sjónvarpinu hér að ofan.
Athugasemdir
