Bjarki Már Árnason, þjálfari Tindastóls í fyrstu deild karla, var svekktur eftir 5-2 tap liðsins gegn ÍA í kvöld en liðið er þar með fallið úr fyrstu deildinni.
Andri Adolphsson og Garðar Bergmann Gunnlaugsson skoruðu báðir tvö mörk gegn Stólunum en Hallur Flosason gerði einnig eitt mark. Gestirnir minnkuðu muninn undir lokin í 5-2 en lengra komust þeir þó ekki.
,,Hún er ágæt. Þetta var erfitt eins og mátti við búast en mér fannst liðið mitt sýna góðan karakter en við endum leikinn frábærlega vel, settum tvö mörk og hefðum getað sett þriðja," sagði Bjarki við Fótbolta.net.
,,Það var ekkert sem kom á óvart. Við vorum búnir að tala um hvernig þeir myndu spila en þeir búa yfir miklum gæðum. Þetta er bara gott lið sem við mættum," sagði hann ennfremur.
Hægt er að sjá viðtalið hér fyrir ofan.
Athugasemdir
