„Þetta var hörkuleikur. Kína er með mjög gott lið," sagði Sara Björk Gunnarsdóttir í viðtali við Hilmar Norðfjörð hjá KSÍ eftir 2-2 jafntefli gegn Kína á æfingamóti þar í landi.
„Mér fannst þær betri en ég átti von á. Ég man ekki eftir svona rosalega góðum einstaklingum hjá þeim. Þær eru vel spilandi og teknískar."
Íslenska liðið prófaði að spila 3-5-2 í dag eftir að hafa leikið 4-3-3 í undankeppni EM.
„Mér fannst það ganga ágætlega miðað við fyrsta skipti. Þetta er skemmtilegt skipulag og við eigum eftir að vinna meira með það. Ég held að það muni ganga mjög vel."
Hér að ofan má sjá viðtalið í heild sinni.
Athugasemdir