Gary Martin fagnar marki fyrir KR.
Kristinn Kjærnested, formaður knattspyrnudeildar KR, segir við mbl.is að ekkert tilboð hafi borist í Gary Martin.
Hann neitar því að Breiðablik hafi lagt fram tilboð í enska sóknarmanninn sem mikið hefur verið i umræðunni undanfarna daga.
Hann neitar því að Breiðablik hafi lagt fram tilboð í enska sóknarmanninn sem mikið hefur verið i umræðunni undanfarna daga.
„Gary er ekki til sölu, hann er ekki að fara. Það hefur ekkert tilboð borist í hann og ef það kemur tilboð í hann þá verður því hafnað,“ segir Kristinn við vefsíðu Morgunblaðsins.
Samkvæmt heimildum Fótbolta.net hafa Blikar áhuga á Martin en þeir eru að reyna að styrkja sig sóknarlega.
Þá sagði 433.is að Valsmönnum hafi verið boðið að kaupa Martin en þeim fréttum hafa KR-ingar einnig neitað.
Martin var ósáttur við að byrja á bekknum þegar KR heimsótti FH á sunnudag en gríðarleg samkeppni er um stöðu fremsta sóknarmanns hjá KR-ingum eftir að Hólmbert Aron Friðjónsson kom til þeirra.
Athugasemdir
