Lampard klappar fyrir stuðningsmönnum Chelsea eftir leik.
Það þurfti auðvitað að vera Frank Lampard sem skoraði jöfnunarmark Manchester City gegn Chelsea þegar liðin gerðu 1-1 jafntefli í ensku úrvalsdeildinni í dag.
Lampard yfirgaf Chelsea eftir síðustu leiktíð, en hann á að baki 13 tímabil með Lundúnaliðinu þar sem hann vann fjöldan allan af titlum.
Lampard yfirgaf Chelsea eftir síðustu leiktíð, en hann á að baki 13 tímabil með Lundúnaliðinu þar sem hann vann fjöldan allan af titlum.
Lampard hélt hins vegar í MLS-deildina og var svo lánaður til Manchester City, og kom hann inn á sem varamaður gegn sínum gömlu félögum í dag og skoraði.
Í viðtali eftir leikinn var ljóst að Lampard átti mjög erfitt með sig. Hann gat í raun ekki fengið sjálfan sig til að viðurkenna að hann hefði verið ánægður með að skora.
Einhverjir á Twitter vildu ganga svo langt að segja að Lampard hefði nánast beðist afsökunar á því að skora gegn sínu gamla félagi.
Hann talaði vel um Chelsea í viðtalinu og kallaði Manchester City oft bara "þetta félag". Eitt er víst; Lampard var kannski sáttur með jafntefli, en hann hefði örugglega verið til í að einhver annar hefði skorað.
Hér að neðan má sjá viðtalið.
Manchester City 1-1 - Chelsea - Frank Lampard... by beanymansports
Athugasemdir
