„Við höfum öll séð mikið af Zlatan síðan hann kom í deildina og fyrir þann tíma. Við vitum öll hversu mikill heimsklassa leikmaður hann er, enn United er með heimsklassa leikmenn í hverri stöðu," sagði Forster.

Forster trúir því að lykillinn fyrir Southampton til að ná í úrslit sé jafnvægið á milli varnar og sóknar. Það er alltaf erfitt, í undanúrslitaleiknum gegn Liverpool lentum við í því að liggja meira til baka en við ætluðum okkur.

Southampton liðið hefur einu sinni leikið til úrslita í enska deildabikarnum og tapaði þá gegn Nottingham Forest í úrslitaleik keppninnar árið 1979.

Leikur Manchester United og Southampton fer fram á Wembley á sunnudaginn og hefst klukkan 16:30.