Jóhann ásamt fleiri leikmönnum á landsliðsæfingu í Herning í morgun.
„Það er búið að vera bölvað vesen innan sem utan vallar. Það hefur verið mikið af mótmælum og úrslitin hafa ekki verið góð. Við erum í bölvuðu rugli," sagði Jóhann Berg Guðmundsson, landsliðsmaður og leikmaður Charlton, við Fótbolta.net í dag.
Charlton er sex stigum frá öruggu sæti í Championship deildinni en stuðningsmenn félagsins eru mjög óánægðir með eigandann Roland Dutchatelet. Á dögunum þurfti að stöðva leik Chalton og Middlesbrough vegna mótmæla hjá áhorfendum.
Charlton er sex stigum frá öruggu sæti í Championship deildinni en stuðningsmenn félagsins eru mjög óánægðir með eigandann Roland Dutchatelet. Á dögunum þurfti að stöðva leik Chalton og Middlesbrough vegna mótmæla hjá áhorfendum.
„Það var pirrandi. Við viljum spila fótbolta og þetta truflar okkur. Það er ekki gaman þegar það þarf að stoppa leikinn en við unnum, svo það er ekki hægt að kvarta yfir því."
Jóhann hefur sjálfur lagt upp tíu mörk og verið einn besti leikmaður Charlton í vetur. „Ég er nokkuð sáttur. Ég held að ég sé með flestar stoðsendingar í deildinni svo ég er að gera eitthvað rétt. Ég væri til í að vera búinn að skora meira en svona er þetta bara."
Jóhann verður í eldlínunni þegar Ísland mætir Danmörku í vináttuleik í Herning annað kvöld klukkan 19:00.
„Er ekki kominn tími á að við vinnum þá í A-landsleik? Ég held að við höfum aldrei unnið þá svo það er kominn tími á að klára þá," sagði Jóhann Berg ákveðinn um þann leik.
Hér að ofan má sjá viðtalið í heild sinni.
Sjá einnig:
Jóhann Berg líklega á förum frá Charlton
Athugasemdir
