Varnarmaðurinn Sverrir Ingi Ingason í viðtali í dag.
Sverrir Ingi Ingason, varnarmaður Lokeren, er í íslenska landsliðshópnum fyrir EM. Sverrir segir að það hafi verið mikið gleðiefni þegar hann fékk að vita það að hann hefði verið valinn.
„Þetta var ólýsanleg tilfinning. Þegar ég fékk SMS-ið missti maður orðið í smá stund og maður trúði þessu eiginlega ekki. Maður fær varla betri fréttir í lífinu en þetta," segir Sverrir Ingi en hann æfði á Laugardalsvelli í morgun.
„Þegar maður er kominn í íslenska landsliðið nýtir maður hverja æfingu í að geta sannað sig enn meira. Það verða allir 23 sem fara með að vera klárir, maður veit aldrei hvað gerist. Ég fer út með það markmið að vera klár og verð til taks ef þeir þurfa á manni að halda."
„Við erum lið sem getur unnið öll lið og ég sé ekki af hverju við ættum ekki að geta farið upp úr riðlinum."
Viðtalið má sjá í heild í sjónvarpinu hér að ofan en þar tjáir Sverrir sig einnig um tímabilið í Belgíu.
Athugasemdir
