Molde tryggði sér tvennuna nú rétt í þessu þegar liðið lagði Odd Grenland í bikarúrslitaleiknum á Ullevaal leikvangnum í Osló.

Molde vann deildina með yfirburðum en Odd Grenland lenti í 3.sæti.

Björn Bergmann Sigurðarson byrjaði á bekknum hjá Molde í dag en kom inná á 70.mínútu. Þrem mínútum síðar skoraði Fredrik Gulbrandsen fyrir Molde og það var svo Mo Elyounoussi sem gulltryggði bikarinn með marki á lokamínútunum.