„Þetta er sárt þar sem mér fannst við spila feykilega vel," sagði Willum Þór Þórsson, þjálfari KR, eftir 2-2 jafntefli gegn Fjölni í dag. Eftir jafnteflið er það ljóst að KR nær ekki Evrópusæti.
„Við vorum búnir af móta mjög gott lið í framhaldi af síðasta tímabili en síðan fellur hryggurinn úr liðinu (Stefán, Indriði og Michael Præst) eftir þrjár, fjórar umferðir. Það tók okkur tíma að endurforma liðið og það tókst ágætlega."
„Við vorum búnir af móta mjög gott lið í framhaldi af síðasta tímabili en síðan fellur hryggurinn úr liðinu (Stefán, Indriði og Michael Præst) eftir þrjár, fjórar umferðir. Það tók okkur tíma að endurforma liðið og það tókst ágætlega."
Lestu um leikinn: Fjölnir 2 - 2 KR
Willum er í Framsóknarflokknum og á döfinni eru þingkosningar, hvað ætlar Willum að gera?
„Þetta er ofsalega erfið ákvörðun og hef mjög gaman af hvoru tveggja," sagði Willum.
„Þegar maður finnur fyrir trausti eins og félagar mínir í Framsóknarflokknum hafa sýnt mér og kallað eftir þá er erfitt að segja nei. Ég hef ýtt því frá eins lengi og ég get til að halda einbeitingu á þessu risa stóra verkefni sem er að þjálfa KR."
„En með hverjum deginum sem líður þá verð ég að fara að taka ákvörðun, það er augljóst."
Þingmennska og þjálfun fer ekki saman.
„Það gengur ekki upp. Maður getur kannski, þegar þingið er í fríi hefur sumartíminn, eitthvað hjálpað til og tekið æfingar með yngri flokkum eða aðstoðað tímabundið."
Viðtalið má sjá í heild sinni hér að ofan.
Athugasemdir