Lestu um leikinn: Víkingur R. 1 -  2 FH

FH-ingar höfðu tögl og haldir í fyrri hálfleik og voru 2-0 yfir í leikhléi en Víkingar voru sprækari eftir hlé.

„Ég er þokkalega sáttur við að við séum með sex stig eftir tvo leiki. Ég er samt ekki nægilega sáttur við seinni hálfleikinn í dag og seinni hálfleikinn í síðasta leik. En við klárum leikina. Við þurfum að byrja að spila vel í 90 mínútur," segir Bergsveinn Ólafsson, miðvörður FH-inga.

„Mér fannst við alveg vera með leikinn í fyrri hálfleik og við töluðum um það í hálfleik að stoppa ekki. Víkingarnir lögðu seinni hálfleikinn vel upp en við eigum að leysa þetta betur."

FH-ingara hafa veriða að spila með þriggja hafsenta kerfi líkt og vel hefur heppnast hjá Chelsea á Englandi.

„Ég fíla það mjög vel. Mér finnst gaman að breyta til. Í gegnum allan fótboltaferilinn hefur maður verið í fjögurra manna vörn og það er gaman að prófa eitthvað nýtt. Það er búið að ganga vel og er drullugaman."

„Það er helmingur liðanna í deildinni farin að prófa þetta kerfi. Ætli þau hafi ekki fylgst vel með Chelsea undanfarið. Þetta gengur vel hjá okkur og meðan það er þannig þá höldum við áfram í þessu," segir Bergsveinn en viðtalið má sjá í heild í sjónvarpinu hér að ofan.