Heimild: Morgunblaðið
Kantmaðurinn Andri Adolphsson er líklega á förum frá ÍA en þetta kemur fram á vef Morgunblaðsins í dag.
„Ég á eitt ár eftir af samningi við ÍA en félagið hefur aldrei staðið í vegi fyrir því ef maður myndi vilja fara. Ég er að fara í háskólanám í bænum og hef rætt við Gulla [Gunnlaug Jónsson, þjálfara] um möguleikann á að færa mig,“ sagði Andri við mbl.is.
Morgunblaðið hefur heimildir fyrir því að KR og Víkingur hafi sýnt Andra áhuga. Andri spilaði á sínum tíma með yngri flokkum KR áður en hann flutti á Akranes árið 2005.
,,Eins og staðan er núna eru mestar líkur á að ég fari í bæinn. Ég hef viljað ganga frá öllu varðandi Skagann áður en ég tek ákvörðun."
Andri er 22 ára gamall en hann skoraði þrjú mörk í 15 leikjum þegar ÍA fór upp úr 1. deildinni síðastliðið sumar. Samtals hefur hann skorað sex mörk í 97 deildar og bikarleikjum með ÍA.
Athugasemdir