Fyrri leikjum 16-liða úrslita Meistaradeildar Evrópu er lokið en Goal.com hefur sett saman úrvalslið úr þeim leikjum og má sjá hér að neðan hverjir skipa það.
Thibaut Courtois (Chelsea) - Belginn var frábær í marki Chelsea sem gerði 1-1 jafntefli við PSG.
Branislav Ivanovic (Chelsea) - Skoraði mark Chelsea í jafnteflinu gegn PSG.
Gerard Pique (Barcelona) - Frábær í vörn Börsunga sem unnu 2-1 sigur gegn Manchester City.
Aymen Abdennour (Monaco) - Hrikalega öflugur í vörn Monaco sem vann óvæntan sigur gegn Arsenal.
Marcelo (Real Madrid) - Sterkur bæði í vörn og sókn gegn Schalke.
Marco Verratti (PSG) - Skilaði mögnuðu vinnuframlagi gegn Chelsea.
Geoffrey Kondogbia (Monaco) - Ótrúlegur drifkraftur gegn Arsenal og braut ísinn með fyrsta marki leiksins.
Hakan Calhanoglu (Bayer Leverkusen) - Tyrkinn ungi var hrikalega öflugur á miðju þýska liðsins og skoraði eina mark leiksins.
Alvaro Morata (Juventus) - Skoraði eitt og lagði upp fyrir félaga sinn Carlos Tevez í sigri gegn Borussia Dortmund.
Luis Suarez (Barcelona) - Sýndi sínar bestu hliðar með tveimur mörkum gegn Manchester City.
Cristiano Ronaldo (Real Madrid) - Skoraði stórkostlegt skallamark.
Athugasemdir
