Ian Jeffs þjálfari ÍBV var kampakátur eftir sterkan útisigur á Selfossi í Pepsideildinni í kvöld. Boðið var uppá markasúpu og endaði leikurinn með 3-5 sigri ÍBV
„Við fórum í framlenginu gegn ÞÓR/KA (í síðasta leik) þannig ég var alveg viss um að leikmennirnir yrðu þreyttir í seinni hálfleik. Planið okkar í dag var að byrja með krafti og skora í seinni hálfleik, það tókst."
„Þetta var solid karakter sigur í dag, ég var mjög ánægður með þessi 3 stig. Boltinn var að ganga hratt á milli leikmanna og spilamennskan var mjög fín í fyrri hálfleik."
Ian segir að það hafi verið óþægilegt þegar Selfyssingar skoruðu 2 mörk á stuttum tíma.
„Maður er alltaf hræddur við það að fá á sig 2 mörk á stuttum tíma. Ég sá að leikmennirnir voru mjög þreyttir en þetta sýnir að leikmennirnir eru með sterkan karakter og það gekk vel síðustu 20 að liggja aðeins aftarlega og leyfa þeim að koma upp með boltann."
En fá leikmenn að fara á þjóðhátíð?
„Já, ég get ekki bannað það en við setjumst niður á morgun og ræðum þetta aðeins."
Athugasemdir
