Það verður úr nógu að velja fyrir fótboltaáhugamanninn í dag. Pepsi-deild kvenna fer í gagn með látum, en á meðan, á Englandi, er einn af leikjum tímabilsins spilaður á Etihad-leikvanginum í Manchester.

Nágrannarnir í Manchester City og Manchester United eigast við og mikið er í húfi fyrir bæði lið sem vilja ekkert annað en sigur.

Eins og staðan er núna er Man City í fjórða sæti með einu stigi meira en grannar sínir í United. Þetta gæti breyst í dag.

Meistaradeildarsæti er mögulega í húfi og bæði lið munu því vonandi koma dýrvitlaus í þennan mikilvæga leik, sem sýndur er í beinni útsendingu á Stöð 2 Sport 2.