John Stones, varnarmaður Everton, getur ekki búið heima hjá sér um þessar mundir þar sem reiðir stuðningsmenn liðsins hafa verið að áreita hann. Stones vill fara til Chelsea og hefur gist á hóteli en ekki á heimili sínu í Widnes. (Sun)

Kevin de Bruyne (24) mun fá um 200 þúsund pund í vikulaun þegar belgíski miðjumaðurinn gengur loksins frá sölu sinni frá Wolfsburg til Manchester City. (Telegraph)

Chelsea mun reyna að fá miðjumanninn franska Paul Pogba (22) frá Juventus þar til glugganum verður skellt í lás. (Independent)

Talsmenn Manchester United eru vissir um að markvörðurinn David de Gea muni ganga í raðir Real Madrid áður en glugganum verður lokað. (Daily Mirror)

Serbinn Lazar Markovic er á leið til Fenerbahce á lánssamningi frá Liverpool. (Daily Mail)

Ítalski sóknarmaðurinn Fabio Borini (24) verður búinn að yfirgefa Liverpool á næstu dögum. (Daily Mail)

Besiktas í Tyrklandi vill fá John Mikel Obi (28), miðjumann Chelsea og Nígeríu. (Daily Mirror)

Viðræður voru í gangi milli West Ham og Sevilla um að sóknarmaðurinn Andy Carroll (26) færi á láni til spænska félagsins. Þær viðræður hafa þó runnið út í sandinn. (Daily Mail)

Sunderland er nálægt því að tryggja sér sænska framherjann Ola Toivonen (29) frá Rennes. (Sunderland Echo)

Lewis Grabban (27) sóknarmaður Norwich hefur leitað aðstoðar leikmannasamtaka Englands eftir að félag hans setti hann í bann. Honum er sagt að halda sér frá æfingasvæði félagsins eftir að hafa neitað að fara af velli þegar gera átti skiptingu í deildabikarleik gegn Rotherham. (Guardian)

Fulham hefur gert tilboð í Michael Mancienne (27), varnarmann Nottingham Forest. (Nottingham Post)

Jermain Defoe (32), framherji Sunderland, telur sig eiga skilið landsliðssæti hjá Englandi en tvö ár eru síðan hann lék síðast fyrir landsliðið. (Daily Star)

Ekki er enn ljóst hvort Jonathan de Guzman (27), hollenskur miðjumaður Napoli, muni ganga í raðir Sunderland. (Newcastle Chronicle)

Jon Walters (31) framherji Stoke vill vera áfram hjá félaginu og gera nýjan samning. Kauptilboði frá Norwich var hafnað í síðustu viku. (Stoke Sentinel)

Howard Kendall, fyrrum stjóri Everton, vonar að Roberto Martinez, stjóri Everton, bæti við varnarmanni og styrki liðið einnig að öðru leyti áður en glugganum verður lokað. (Liverpool Echo)

Brasilíski miðjumaðurinn Sandro er á leið aftur til félagsins eftir að vandamál með atvinnuleyfi voru leyst. (GetWestLondon)