Crystal Palace hefur samið við Sunderland um kaupverðið á framherjanum Conor Wickham samkvæmt Sky Sports. Mun félagið borga níu milljónir punda fyrir að fá enska U21 landsliðsmanninn í sínar raðir.
Wickham þótti um tíma vera einn allra efnilegasti framherji Englands en hefur enn ekki sprungið út. Eftir að hafa skorað fimm mörk í síðustu þremur umferðunum á þarsíðustu leiktíð náði hann einungis að skora sex mörk allt síðasta tímabil.
Wickham þótti um tíma vera einn allra efnilegasti framherji Englands en hefur enn ekki sprungið út. Eftir að hafa skorað fimm mörk í síðustu þremur umferðunum á þarsíðustu leiktíð náði hann einungis að skora sex mörk allt síðasta tímabil.
Hann gæti þó mögulega gengið í gegnum endurnýjun lífdaga á Selhurst Park undir stjórn Alan Pardew, en Crystal Palace fékk einnig framherjann Patrick Bamford á láni frá Chelsea.
Þá varð Yohan Cabaye dýrasti leikmaðurinn í sögu Palace er hann kom til félagsins frá Paris Saint-Germain, en hann starfaði undir stjórn Pardew hjá Newcastle á sínum tíma.
Athugasemdir