Leikmenn ganga inn á völlinn Blikar í grænu og Drita í bláu og hvítu.

Rosalega gott stef í Sambandsdeildinni!

Sýnt á Stöð 2 Sport Leikurinn er í beinni útsendingu á Stöð 2 Sport og hefst útsendingin klukkan 14:50. Stuðst verður við þá útsendingu í þessari textalýsingu.

Fc Drita v Breiðablik(2-1)
15:00 á Sportinu ???????????? pic.twitter.com/t4InAJOmBf

— Gummi Ben ????? (@GummiBen) July 30, 2024

25 gráður og sól - Akureyrarveður Á vef UEFA segirað það sé sólskin á leikvanginum úti og 25 gráðu hiti. Leikurinn hefst klukkan 17:00 að staðartíma.

,,Þetta er svona Akureyrarveður" sagði Guðmundur Benediktsson sem lýsir leiknum á Stöð 2 Sport. Mikið til í því hjá honum.

Andstæðingur frá Lettlandi eða Norður-Írlandi bíður Sigurvegarinn í dag mætir sigurvegaranum úr einvígi FK Auda (Lettland) og Cliftonville FC (Norður-Írland) í 3. umferðinni.

Auda leiðir það einvígi eftir fyrri leikinn í Norður-Írlandi. Seinni leikur liðanna fer fram á morgun.

Fjórar breytingar hjá Drita Besnik Krasniqi fékk að líta tvö gul spjöld í fyrri leiknum og þar með rautt. Hann er því ekki með í dag. Þrír sem byrjuðu fyrri leikinn taka sér sæti á bekknum. Það eru þeir Blerton Sheji, Arb Manaj og Iljasa Zulfiji.

Kastriot Selmani og Ilir Mustafa koma inn eftir að hafa verið á bekknum í fyrri leiknum og þeir Blerim Krasniqi og Raddy Ovouka, sem voru ekki með í fyrri leiknum, koma einnig inn.

Tvær breytingar á byrjunarliðinu Benjamin Stokke og Kristófer Ingi Kristinsson koma inn í liðið fyrir þá Kristin Steindórsson og Oliver Sigurjónsson. Þeir Ísak Snær og Stokke eru saman í framlínu Breiðabliks ásamt Aroni Bjarnasyni miðað við uppstillingu UEFA.

Þar eru þeir Viktor Karl, Kristófer Ingi og Höskuldur settir á miðjuna.

Byrjunarliðið gegn FC Drita á Zahir Pahazati vellinum í Kósovó er tilbúið ???? pic.twitter.com/0eDM30MG4y

— Blikar.is (@blikar_is) July 30, 2024

Myndir frá æfingu og ferðalagið

Opið hús í stúkunni á Kópavogsvelli Af blikar.is:
Blikaklúbburinn stendur fyrir opnu húsi í stúkunni á Kópavogsvelli á morgun þriðjudag 30. júlí kl.15.00.

Knattspyrnufélagið FC Drita (Albanska:Club Futbollistik Drita) er atvinnumannaklúbbur með aðsetur í borgini Gjilan í Kosovo og spilar þar í efstu deild. Liðið endaði síðasta keppnistímabil (36 leikir) í 3. sæti með 67 stig – 11 stigum á eftir sigurliðinu.

Félagið var upphaflega stofnað í Júgóslavíu árið 1947 en spilar núna í Kósovó eftir breytingar sem urðu árið 1990/91.

Heimavöllur Drita er Gjilan City Stadium - fjölnota leikvangur sem tekur 10.000 manns í sæti. Frá 2017 hefur völlurinn verið í stöðurgri endurnýjun en hann uppfyllir ekki kröfur UEFA. Félagið spilar því Evrópuleikinn gegn Breiðabliki á Zahir Pajaziti vellinum í borginni Podujevo í Kósovó, en þar er sami leikvangur og KF Llapi spilar sína heimaleiki. Llapi spilar á vellinum fimmtudaginn 1. ágúst sem er ástæðan fyrir þriðjudaginn 30. júlí sem leikdegi en ekki fimmtudaginn 1. ágúst.

Patrik hafnaði FH Áhugi er á Patrik Johannesen, leikmanni Breiðabliks, frá Færeyjum. Um helgina var svo sagt frá því að FH væri að kaupa sóknarmanninn en ef lesið er í ummæli Karls Daníels Magnússonar, deildastjóra afrekssviðs hjá Breiðabliki, þá hafnaði Patrik tilboði Fimleikafélagsins.

   29.07.2024 11:13

Patrik fer ekki til FH

Nýr framkvæmdastjóri hjá Breiðabliki Breiðablik hefur ráðið Tönju Tómasdóttur í starf framkvæmdastjóra félagsins. Þetta kemur fram í tilkynningu frá Kópavogsfélaginu. Hún tekur við af Eysteini Pétri Lárussyni sem hefur verið ráðinn framkvæmdastjóri KSÍ.

   29.07.2024 09:29

Tanja tekur við starfi Eysteins hjá Breiðabliki

Fyrirliðinn í viðtali eftir fyrri leikinn ,,Maður er mjög fúll en bara einhverneigin strax kominn í gír fyrir seinni leikinn, það er bara seinni hálfleikur sem við ætlum að sigra og ætlum okkur að kasta öllu fram til þess að fara áfram í þessu einvígi," sagði Höskuldur Gunnlaugsson, fyrirliði Breiðabliks eftir fyrri leikinn.

,,Þeir lifðu svolítið á lýginni í lokinn en mikilvægt samt að ná þessu 2-1 marki, 2-0 hefði verið svolítið fjall eða alvöru brekka en núna er þetta bara eitt mark. Við fórum út á Parken og skorðuðum þar í fyrri hálfleik, sá leikur endaði náttúrulega í einhverri markasúpu en þú veist eitt mark og þá byrjar allt að titra þannig það er bara að fara með því hugarfari út."

   25.07.2024 22:01

Höskuldur: Ætlum okkur að kasta öllu fram til þess að fara áfram

Fær loksins að dæma hjá íslensku liði Kamal Umudlu verður með flautuna í dag, hann er frá Aserbaísjan.

Aðstoðardómarar eru: Namik Huseynov og Vusal Mammadov. Fjórði dómari er Elchin Masiyev.

Það vekur athygli að Kamal er sá dómari sem upphaflega átti að dæma leik Vals gegn Vllaznia í Albaníu en eftir að öryggisstigið á þeim var hækkað þá var reyndari dómari settur á þann leik.

   15.07.2024 16:38

Nýtt dómarateymi eftir kvörtun frá Val

   29.07.2024 06:00

Þessir dæma Evrópuleiki íslensku liðanna í vikunni

Kristófer Ingi líklega með í dag Kristófer Ingi Kristinsson var ekki skráður í leikmannahópinn sem mátti taka þátt í fyrri leiknum vegna mannlegra mistaka. Hann getur spilað í dag, ef það gleymist ekki að skrá hann aftur.

   26.07.2024 00:24

Mistök við skráningu urðu til þess að Kristófer mátti ekki spila

Alexander Helgi Sigurðarson er tæpur fyrir leikinn og spurning hvort hann verði í hópnum.

Búnir að máta sig gegn þeim ,,Það er fínt að vera búið að máta sig á móti þessu liði, nú vitum við svona meira um þá. Það er eitt að sjá þá á videoum og annað að máta sig gegn þeim og finna aðeins fyrir þeim. Þetta er bara hörku lið og það verður auðvitað krefjandi leikur," sagði þjálfarinn Halldór Árnason eftir fyrri leikinn.

   25.07.2024 22:20

Dóri Árna: Það er eitt að sjá þá á videoum og annað að máta sig gegn þeim

Hann var heilt yfir ánægður með frammistöðu síns liðs en var svekktur með byrjunina á leiknum.

Dóri var ekki sáttur með dómgæsluna í leiknum, var alls ekki sáttur að seinna mark Drita hafi fengið að standa eftir ólöglegt innkast. Dómararnir voru frá Tékklandi.

,,Mér fannst þessi leikur rosalega illa dæmdur. Annað markið þeirra var grín. Spjöldin sem þeir sleppa með og spjöldin sem við fáum, það er ekkert samræmi í þessu. Við sáum strax í hvað stefndi."

Drita leiðir með einu marki Blikar voru langt frá sínum besta leik þegar Drita mætti á Kópavogsvöll síðasta fimmtudag. Gestirnir leiddur 0-2 í hálfleik. Ísak Snær Þorvaldsson náði að minnka muninn og voru Blikar nálægt því að koma inn jöfnunarmarki, en allt kom fyrir ekki.

   25.07.2024 22:49

Breiðablik náði inn mjög mikilvægu marki fyrir seinni legginn

Góðan daginn, við förum snemma af stað í dag Klukkan 15:00 hefst seinni leikur Drita og Breiðabliks í 2. umferð forkeppninnar í Sambandsdeildarinnar. Leikurinn fer fram á Zahir Pajaziti leikvanginum í Podujevo. Pajaziti var albanskur herforingi sem leiddi frelsisher Kósovó á sínum tíma.

Leikurinn fer fram á þriðjudegi þar sem annað lið í Kósovó spilar sína Evrópuleiki á þessum velli. KF Llapi tekur á móti Bröndby á fimmtudag og var ekki hægt að spila báða leikina á sama degi.