SKÝRSLAN: Fjölnisliðið kann ekki að verjast föstum leikatriðum
Hvað réði úrslitum?
Dekkningin hjá Fjölnisliðinu í föstum leikatriðum var hræðileg og réði klárlega úrslitum. Úlli vill reyndar meina það að Fjölnir væru efstir ef þeir gætu varist föstum leikatriðum eins og menn.
Bestu leikmenn
1. Guðmundur Tyrfingsson
Mjög auðvelt val. Lagði upp þrjú mörk og hefði getað lagt upp fleiri ef sóknarmenn Selfossar hefðu tekið færin sín betur. Hann hljóp líka rosalega mikið í dag og sýndi mikla ástríðu. Besti maður vallarins, by a mile.
2. Ingvi Rafn Óskarsson
Mjög erfitt val. Gummi var eiginlega yfirburðar bestur en ellir hinir áttu jafn góðan leik. Vel Ingva því hann hætti aldrei að hlaupa og skoraði eitt mark. Stórkostlegur í dag eins og allt Selfossliðið.
Atvikið
Fyrsta mark Selfyssinga sem kom í blálokin á fyrri hálfleiknum. Það mark breytti leiknum því Selfyssingar skoruðu síðan strax í upphafi síðari hálfleiks. Léleg dekkning hjá Fjölni í þessu marki og seinna markinu líka. En þetta mark er atvik leiksins því leikurinn hefði þróast í allt aðra átt ef staðan væri 1-0 fyrir Fjölni í hálfleik.
Hvað þýða úrslitin?
Fjölnir sitja áfram í þriðja sætinu og eru að dragast aftur úr ÍA og Aftureldingu en ná pottþétt umspilsætinu. Úlli vill reyndar minna fólk á það að umspilsætið er alls ekki klárt.
Vondur dagur
Erfitt að velja einhvern einn þar sem þetta var vondur dagur fyrir allt Fjölnisliðið. Ætla ekki að segja Úlfar Arnar, þótt að hann sé líklega ekki að eiga góðan dag, því hann er ekki að verjast þessum föstu leikatriðum. Fjölnisliðið verður að rífa sig í gang þegar það kemur að því að verjast föstum leikatriðum ef þeir ætla að gera atlögu að því að komast í deild þeirra bestu.
Dómarinn - 6.5
Bara ágætur leikur hjá honum. Mér fannst Aðalbjörn hafa litla stjórn á leiknum. Síðan dæmdi hann vítaspyrnu alveg í restina á Fjölni sem var aldrei víti að mínu mati. Stundum spjaldaði hann líka að óþarfi en allt í allt bara þokkalegur leikur hjá honum og hans teymi.