Grótta voru betri í fyrri hálfleik og gátu þær alveg hafa getað verið komnar fleiri mörkum yfir í fyrri hálfleik. Fylkir hóf þó seinni hálfleikinn með miklum krafti og tóku alveg yfir leiknum. Grótta náði þó að jafna eftir að Fylkir skoraði tvö á stuttu millibili, en mark frá Guðrúnu trygði svo Fylkir sæti í Bestu deild, en slökktu alveg á von Gróttu um sætið.

Það varð mikil spenna eftir að Grótta nær að jafna leikinn 2-2. Þá þurfti Grótta aðeins 1 mark í viðbót til þess að komast upp í Bestu deild. En á meðan var Fylkir að leita af marki til þess að tryggja sér 2. sæti deildarinnar.

Fylkir tryggja sér sæti í Bestu deild kvenna næst sumar og enda tímabilið í 2. sæti með 38 stig í 18 leikjum. Með tapi í dag þá mun Grótta spila í Lengjudeildinni í næsta sumar og enda tímabilið í 4. sæti deildarinnar með 33 stig í 18 leikjum.

Cornelia var fín í leiknum, en í tvem af mörkum Fylkis stóð hún of langt frá línunni sem endaði með að boltinn fór yfir hana og inn í markið. Erfitt að kenna henni um seinasta markið, en í öðru marki Fylkis ætlar hún að reyna handsama botlann, en þá nær Erna að skalla boltanum yfir Corneliu og inn í markið. Bæði liðin fengu líka mörg færi sem voru ekki nýtt nógu vel af framherjum liðana.

Þetta var vel dæmdur leikur hjá Magnúsi og hans teymi. Ég tók samt eftir að stundum var ekki alltaf lögð sama lína við brot. Í byrjun var dæmt brot á hrindingu við skalla bolta, en svo stuttu eftir var ekki dæmt fyrir sama brotið. Annars var góð flæði í leiknum.