Vilhjálmur Alvar flautar til leiksloka. Þessi var stór fyrir Gróttumenn. Takk fyrir mig í dag.

Þórsarar fá aukaspyrnu rétt fyrir utan teig.

Fimm mínútur í uppbótartíma.

Þórsarar lyfta boltanum inn fyrir á Bjarna Guðjón. Rafal keyrir út í Bjarna sem fellur en Villi dæmir ekkert. Bekkurinn hjá Þór alveg vitlaus og ég skil þá bara mjög vel.

Þórsarar fá aukaspyrnu á vítateigslínunni. Nikola með aukaspyrnuna en hún yfir markið.

Axel Sig fær hann innfyrir en Ragnar með góðan varnarleik.

Fannar Daði fær boltann og finnur Aron inn fyrir sem vinnur hornspyrnu.

Kristófer Orri með geggjaða sendingu inn fyrir á Tómas Johannessen sem er aleinn gegn Aroni Birki en Aroni les Tómas eins og opna bók. Dauðafæriii

Þór fær hornspyrnu sem Sörensen vinnur.

Gunnar Jónas fær boltann fyrir utan teig Þórs. Patrik Orri fær hann í utan á hlaupi og vinnur hornspyrnu sem ekkert verður úr.

Birgir Ómar fær boltann og tekur hann með sér og á fyrirgjöf sem fer beint á Rafal í marki Gróttu. Þórsarar koma grimmir inn í síðari hálfleikinn.

Síðari hálfleikurinn er farin af stað. Þórsarar gera tvær breytingar.

Heimamenn í Gróttu leiða inn í hálfleikinn en það er enþá nóg eftir af þessum leik. Tökum okkur pásu í korter.

Klukkan slær 45 hér á Vivaldi.

Ingimar og Patrik lenda saman á miðjum vallarhelmingi Gróttu og gult á báða.

Aron Ingi gerir afskaplega vel og keyra af stað. Lyftir boltanum inn á teiginn. Patrik Orri ætlar að hreinsa boltann og boltinn í slánna og Patrik Orri ætlar að hreinsa aftur og fer í Fannar Daða og Þórsarar vilja víti en aukaspyrna dæmd á Fannar Daða. Þetta var sérstakt og hefði alveg geta verið víti.

Þórsarar fá aukspyrnu á stórhættulegum stað.

Grótta fær hornspyrnu. Grímur Ingi tekur spyrnuna stutt á Kristófer Orra sem rennir honum á Gunnar Jónas sem á fyrirgjöf og vandræðagangur á teig Þórsara en gestirnir koma boltanum í burtu á síðustu stundu.

Hermann Helgi fær boltann út til vinstri og á fyrirgjöf sem fer í gegnum allan pakkann. Markspyrna frá marki Gróttu.

Ingimar fær boltann inn á teignum og á skot sem fer af Melsted og í hliðarnetið og Þór fær horn. Ýmir tekur spyrnuna en Gróttumenn koma boltanum í burtu.

Fannar Daði fær boltann inn á teignum og rennir boltanum út á Sörensen sem nær góðu skoti en boltinn af Kristófer Melsted og í hornspyrnu.

Kristófer Orri með geggjaðan bolta fyrir á Patrik sem setur hann rétt framhjá. Dauðafæriii

Tómas fær boltann og vinnur hornspyrnu fyrir Gróttuna. Hornspyrnan er góð beint á Patrik sem nær fínum skalla en boltinn framhjá.

Grótta fær vítiii!! Gunnar Jónas fær boltann og Ýmir togar hann niður.

Sörensen vinnur boltann og boltinn dettur á Ingimar sem nær skoti sem er beint á Rafal.

Ingimar með fyrsta skot leiksins. Fær hann skoppandi fyrir utan teig en skot hans yfir markið.

Gróttumenn hefja leik.

Vilhjálmur Alvar leiðir liðin til leiks og vallarþulur Gróttumanna byrjar að kynna liðin.

Það er mikið undir hér í dag en liðið sem vinnur hér í dag kemur sér aðeins frá falldraugnum. Ég held að við fáum mikla skemmtun hér í dag.

Liðin mættust í fyrri umferðinni á Þórsvelli á Akureyri 25. júlí síðastliðinn. Þá vann Þór 3 - 1 sigur í leik þar sem Valdimar Daði Sævarsson skoraði tvö og var valinn maður leiksins. Þór 3 - 1 Grótta 1-0 Bjarni Guðjón Brynjólfsson ('31) 2-0 Valdimar Daði Sævarsson ('48) 3-0 Valdimar Daði Sævarsson ('74) 3-1 Aron Bjarki Jósepsson ('84) Lestu um leikinn

Leikurinn í dag er mikill fallbaráttuslagur þó svo að liðin séu í 7. og 9. sæti deildarinnar. Ægir er þegar fallið úr deildinni en baráttan um að sleppa við 11. sætið er enn veruleg í deildinni þegar tvær umferðir eru eftir. Þór er í 7. sætinu með 24 stig og Grótta í 9. sætinu með 23 stig. Selfoss er í fallsætinu og einnig með 23 stig. Staðan 1. ÍA - 43 stig (18) 2. Afturelding - 40 (23) 3. Fjölnir - 36 (18) 4. Vestri - 33 (9) 5. Leiknir - 32 (6) 6. Grindavík - 25 (-9) 7. Þór - 24 (-14) 8. Þróttur - 23 (-1) 9. Grótta - 23 (-1) 10. Njarðvík - 23 (-5) 11. Selfoss - 23 (-10) 12. Ægir - 9

Það var farið í efstu skúffu þegar úthlutað var dómara á þennan leik því Vilhjálmur Alvar Þórarinsson dæmir leikinn í dag. Hann er með þau Birki Sigurðarson og Rúnu Kristínu Stefánsdóttur sér til aðstoðar á línunum. Enginn skiltadómari er í dag en KSÍ sendir Jón Magnús Guðjónsson til að hafa eftirlit með störfum dómara og umgjörð leiksins.

Góðan daginn og verið velkomin í beina textalýsingu frá Seltjarnarnesi. Á Vivaldi vellinum mætast í dag Grótta og Þór í næst síðustu umferð Lengudeildar karla. Leikurinn hefst klukkan 17:00.