Leitaðu í fyrirsögnum, texta eða eftir höfundi. Fyrsta slice notar staðlaðar fréttafærslur úr typed fixtures og heldur leitinni öruggri án backend-háðra SQL fyrirspurna.
Niðurstöður
Leit að "(Staðfest)" í fyrirsögnum skilaði 24378 niðurstöðum.
Leitin er nú fixture-backed og leitar eingöngu í stöðluðum fréttum. Leikir/skýrslur og endanleg backend-samningsleit eru enn ókláruð.
Ítalska félagið Inter hefur nýtt sér ákvæði um að kaupa Aleksandar Stankovic aftur til félagsins fyrir 23 milljónir evra. Stankovic er miðjumaður sem fæddist 2005 og hefur skrifað undir samning við Inter til 2030.
Tottenham tilkynnti í dag Andy Robertson sem nýjan leikmann félagsins. Hann verður formlega leikmaður félagsins 1. júlí. Í myndbandi Tottenham býður Michael Dawson, fyrrum fyrirliði Tottenham og bæði liðsfélagi og fyrirliði Robertson hjá Hull, hann velkominn til félagsins. Robertson, sem er 32 ára vinstri bakvörður, kemur frá Liverpool á frjálsri sölu eftir að samningur hans við Bítlaborgarfélagið rann út. Robertson var í níu ár hjá Liverpool en hann var fenginn frá Hull. Hann var lykilmaður í liðinu sem vann ensku úrvalsdeildina tvisvar og Meistaradeildina. Alls vann hann níu titla með Liverpool.
Southampton hefur keypt markvörðinn Daniel Peretz frá Bayern München. Ísraelinn var á láni hjá Southampton seinni hluta tímabilsins og stóð sig mjög vel. Talið er að Southampton greiði um 7,5 milljónir evra fyrir Peretz sem verður 26 ára eftir rúman mánuð. Hann er uppalinn hjá Maccabi Tel Aviv og á að baki tólf A-landsleiki. Hann fór til Bayern árið 2023 og kom við sögu í sjö keppnisleikjum með Bæjurum.
Sara Björk Gunnarsdóttir er gengin í raðir uppeldisfélagsins Hauka eftir átján ára fjarveru. Haukar tilkynntu um komu hennar heim í Hafnarfjörðinn á samfélagsmiðlum sínum - myndbandið má sjá neðst í fréttinni og í lok þess sést að Sara verður í treyju númer 77 hjá Haukum. Haukar munu svo klukkan 15:00 halda fréttamannafund í knatthúsi sínu. Hún snýr til Hauka eftir að hafa spilað með Breiðabliki, Rosengård, Wolfsburg, Lyon, Juventus og síðast Al Qadsiah í Sádi-Arabíu. Sara Björk (1990) er fyrrum landsliðsfyrirliði og næst leikjahæsti leikmaður í sögu landsliðsins með 145 leiki. Hún fór með Íslandi á EM 2009, 2013, 2017 og 2022. Hún vann Meistaradeild Evrópu bæði sem leikmaður Wolfsburg og Lyon. Hún varð sænskur meistari fjórum sinnum, þýskur meistari fjórum sinnum og einu sinni franskur meistari. Hún vann fjóra bikartitla í Þýskalandi, einn bikartitil í Svíþjóð, einn bikartitil í Frakklandi og árið 2023 varð hún bikarmeistari með Juventus á Ítalíu. Haukar eru í toppsæti Lengjudeildarinnar með fullt hús eftir fimm leiki. Félagaskiptaglugginn opnar 16. júlí.
Spánverjinn Andoni Iraola hefur verið kynntur sem nýr stjóri hjá Liverpool.
Tom Heaton hefur framlengt samning sinn við Manchester United um eitt ár. Heaton er þriðji markvörður félagsins og hefur ekki spilað keppnisleik fyrir Man Utd í meira en þrjú ár. Hann er 40 ára gamall og er sagður vera einn þeirra leikmanna sem hafa hvað mest jákvæð áhrif á æfingasvæðinu og er því verðlaunaður með nýjum samningi. Heaton hefur aðeins spilað þrjá keppnisleiki á síðustu fimm árum hjá United án þess að fá mark á sig.
Daninn Kasper Hjulmand hefur verið rekinn frá Bayer Leverkusen eftir að honum mistókst að koma liðinu í Meistaradeildina. Hjulmand tók við liðinu í upphafi tímabils eftir að Erik ten Hag var látinn fara eftir einungis tvo leiki með liðið. Liðið hafnaði í 6. sæti í Bundesliga, þremur stigum á eftir Meistaradeildarsæti.
Forsetakosningar Real Madrid fara fram um helgina og er Florentino Pérez tilbúinn með nokkra nýja leikmenn og nýjan þjálfara sem verða kynntir til leiks ef hann nær endurkjöri.
Serbneski framherjinn Dusan Vlahovic er falur á frjálsri sölu í sumar eftir að honum tókst ekki að semja við Juventus um nýjan samning.
Vladimir Tufegdzic hefur verið ráðinn aðalþjálfari Harðar á Ísafirði sem leikur í 5. deild og er án stiga eftir þrjár fyrstu umferðir deildartímabilsins.
ÍBV og Filip Stuparevic hafa náð samkomulagi um riftun á samningi Serbans við félagið. Þetta staðfestir Magnús Sigurðsson sem er formaður fótboltadeildar ÍBV í samtali við Fótbolta.net. Filip hafði ekki verið í leikmannahópi ÍBV í síðustu tveimur leikjum. Sömu sögu er að segja af Milan Jezdimirovic en hann er áfram leikmaður ÍBV. Magnús segir það hafa verið ákvörðun þjálfarans að hafa þá utan hóps.
Rasmus Hojlund hefur gengið varanlega til liðs við Napoli frá Manchester United. Hann skrifar undir samning til ársins 2030. Daninn lék með ítalska félaginu á láni á síðasta tímabili og var Napoli með kaupákvæði í samningnum upp á 38 milljónir punda og virkjaði félagið þá klásúlu. Framherjinn skoraði sextán mörk í 44 leikjum fyrir Napoli á tímabilinu. Man Utd keypti Hojlund frá Atalanta sumarið 2023 og nam kaupverðið um 64 milljónum punda. Alls lék hann 95 leiki fyrir félagið í öllum keppnum og skoraði 25 mörk.
Hollenska stórveldið Ajax er búið að kynna Spánverjann Míchel til leiks sem næsta stjóra félagsins.
Sindri er búinn að krækja í tvo Ganverja úr röðum KR en þeir komu til Íslands sem hluti af samstarfi félagsins við <i>Field Masters</i> akademíuna í Gana.
Andres Iniesta hefur landað sínu fyrsta þjálfarastarfi en hann var kynntur sem nýr stjóri Gulf United í Dúbaí. Liðið spilar í næstefstu deild í Sameinuðu arabísku furstadæmunum og var félagið stofnað árið 2019. Í liðinu má finna fyrrum úrvalsdeildarleikmanninn Leroy Fer og fyrrum framherja sænska landsliðsins, Robin Quaison. Iniesta er 42 ára gamall og hefur unnið að þjálfaragráðum síðustu misseri. Hann lagði skóna á hilluna fyrir tveimur árum eftir að hafa gert garðinn frægan með Barcelona og spænska landsliðinu. Hann fer álíka leið og fyrrum liðsfélagi sinn Xavi en hann hóf þjálfaraferilinn með Al Sadd í Katar áður en hann tók síðar við Barcelona.
Davide Ancelotti er tekinn við Hákoni Arnari Haraldssyni og félögum í Lille. Hann skrifar undir tveggja ára samning við félagið. Davide er 36 ára Ítali og er sonur hins sigursæla þjálfara, Carlo Ancelotti. Davide hefur aðstoðað föður sinn hjá Real Madrid, Bayern München, Napoli, Everton og nú síðast hjá brasilíska landsliðinu. Hann mun enn aðstoða pabba sinn á HM þrátt fyrir ráðninguna hjá Lille. Liðið endaði í 3. sæti í Ligue 1 á síðustu leiktíð og verður því með í Meistaradeildinni á næstu leiktíð. Þrátt fyrir það var ákveðið að segja skilið við Bruno Genesio sem hafði stýrt liðinu í tvö ár.
Norska félagið Brann hefur tilkynnt á heimasíðu sinni að samstarfi félagsins og Freys Alexanderssonar, þjálfara liðsins, sé lokið. Þar kemur fram að eftir samtal milli félagsins og Freys þá sé samkomulag um að samstarfinu ljúki samstundis. Freyr hefur verið þjálfari liðsins frá því í janúar í fyrra. Hann kom liðinu í deildarkeppni Evrópudeildarinnar á sínu fyrsta tímabili, endaði með liðið í 4. sæti norsku deildarinnar og kom því í vor í úrslitaleik bikarsins. En gengið í norsku deildinni í ár hefur verið dapurt og þess vegna er farið í breytingar. Liðið hefur tapað þremur leikjum í röð og situr í 11. sæti deildarinnar eftir tólf leiki.
James Milner, leikjahæsti leikmaður ensku úrvalsdeildarinnar, hefur lagt skóna á hilluna. Milner, sem er fertugur, hóf ferilinn með Leeds fyrir rétt tæpum aldarfjórðungi, 2002. Hann lék síðast með Brighton en hann tilkynnti um ákvörðun sína á samfélagsmiðlum fyrr í morgun.
Brasilíski miðvörðurinn Dante hefur formlega tilkynnt að skórnir séu komnir upp í hillu eftir frábæran feril. Þetta sagði hann í viðtali eftir að hafa hjálpað Nice að bjarga sér frá falli úr frönsku deildinni.
Varnarmaðurinn Ari Leifsson er farinn frá danska B-deildarliðinu Kolding en félagið staðfestir þetta á Instagram í dag.