FRÉTTIR10.06.2026, 17:31
Kieran McKenna hefur ákveðið að láta af störfum sem stjóri Ipswich og ætlar að taka sér hlé frá fótbolta.
Ákvörðunin óvænta kemur rúmum mánuði eftir að hann kom liðinu upp í ensku úrvalsdeildina. Hann stýrði Ipswich alls í fimm ár.
Þessi fertugi Norður-Íri hefur í sumar verið orðaður við stjórastól Fulham eftir að Marco Silva yfirgaf félagið en ljóst er að ekkert verður úr því.
Á heimasíðu félagsins segir McKenna ákvörðunina hafa verið tekna eftir vandlega umhugsun síðustu vikur og taldi tímann réttan eftir að hafa tryggt félaginu sæti í úrvalsdeildinni á ný.
Liðið hafnaði í öðru sæti í Championship deildinni á nýloknu tímabili en liðið hafði fallið úr ensku úrvalsdeildinni árið áður.
FRÉTTIR10.06.2026, 16:26
Tottenham hefur tilkynnt um komu Marcos Senesi sem kemur á frjálsri sölu frá Bournemouth. Argentíski varnarmaðurinn skrifar undir fjögurra ára samning við félagið.
Tottenham ætlar sér að styrkja raðirnar fyrir komandi tímabil í úrvalsdeildinni og hefur þegar tilkynnt um komu Andy Robertson frá Liverpool.
Þá er félagið jafnframt nálægt því að landa Jan Paul van Hecke frá Brighton.
Bournemouth reyndi í vetur að fá Senesi til að skrifa undir nýjan samning en hann hafnaði þremur tilboðum félagsins og fór að ræða við aðra klúbba.
FRÉTTIR10.06.2026, 12:25
Newcastle hefur gengið frá kaupum á franska markverðinum Ewen Jaouen frá Reims.
Enska félagið greiðir rúmlega átján milljónir punda fyrir Jaouen, sem er talinn einn efnilegasti markvörður Frakklands.
FRÉTTIR10.06.2026, 10:25
Jadon Sancho hefur yfirgefið Manchester United og er hann falur á frjálsri sölu. Félagið keypti hann fyrir fimm árum á 73 milljónir punda.
United ákvað að nýta ekki ákvæði um að framlengja samning hans um eitt ár. En kantmaðurinn þénaði 250 þúsund pund á viku.
FRÉTTIR09.06.2026, 23:18
Úlfarnir eru að styrkja hópinn sinn fyrir komandi átök í Championship deildinni eftir fall úr úrvalsdeildinni. Þeir kræktu í Kieran Trippier á frjálsri sölu frá Newcastle í gærkvöldi og eru búnir að krækja í annan reynslubolta, framherjann Raúl Jiménez.
FRÉTTIR09.06.2026, 22:10
Portúgalska stórveldið Benfica er búið að tilkynna Marco Silva sem nýjan aðalþjálfara en hann kemur til félagsins úr röðum Fulham.
FRÉTTIR09.06.2026, 20:14
Silas Dylan Songani er búinn að fá félagaskipti til TelOne FC sem leikur í Simbabve eftir að hafa verið leikmaður Vestra á Ísafirði í fjögur ár.
FRÉTTIR09.06.2026, 08:30
Ítalski þjálfarinn Vincenzo Italiano er búinn að semja við tyrkneska stórveldið Besiktas um að þjálfa aðalliðið næstu tvö árin.
FRÉTTIR08.06.2026, 23:26
Wolverhampton Wanderers eru búnir að staðfesta félagaskipti Kieran Trippier eftir að samningur hans við Newcastle United rennur út í lok mánaðar.
FRÉTTIR08.06.2026, 19:02
Franski framherjinn Olivier Giroud verður áfram hjá Lille út næstu leiktíð þrátt fyrir að vera orðinn 39 ára gamall.
FRÉTTIR08.06.2026, 15:36
Fabio Grosso er tekinn við sem nýr stjóri Alberts Guðmundssonar og félaga í Fiorentina. Ítalinn skrifar undir tveggja ára samning við félagið.
Grosso yfirgaf Sassaulo skömmu fyrir helgi en hann kom Sassuolo upp í Seríu A á síðasta ári og þá hafnaði liðið í 11. sæti á þessari leiktíð.
Grosso er hvað þekktastur fyrir frammistöðu sína með Ítalíu á HM 2006. Hann skoraði fyrra markið í 2-0 sigri á Þjóðverjum í undanúrslitum mótsins og sigurvítið í vítakeppninni gegn Frökkum í úrslitaleiknum.
FRÉTTIR08.06.2026, 15:05
Divock Origi hefur lagt skóna á hilluna en belgíski sóknarmaðurinn er einungis 31 árs gamall.
Hann er þekktastur fyrir tíma sinn hjá Liverpool en þar skoraði hann nokkur eftirminnileg mörk. Hann skoraði t.a.m. frægt mark gegn Barcelona, í úrslitaleiknum gegn Tottenham í Meistaradeildinni og mjög svo eftirminnilegt mark gegn Everton.
Hann er uppalinn hjá Genk og Lille og hélt svo til Liverpool árið 2014 og var þar til 2022. Hjá Liverpool skoraði hann 41 mark í 175 leikjum í öllum keppnum. Hann vann úrvalseildina, enska bikarinn, deildabikarinn, Meistaradeildina, ofurbikar Evrópu og HM félagsliða sem leikmaður Liverpool.
Hann fór til AC Milan 2022 og rann samningur hans við félagið út síðasta sumar.
Hann lék 32 leiki með belgíska landsliðinu og eitt af þremur landsliðsmörkum hans kom árið 2014 gegn Íslandi í vináttulandsleik.
FRÉTTIR08.06.2026, 13:34
Mexíkóski framherjinn Raul Jimenez er einn af þeim sem mun yfirgefa Fulham í sumar en samningur hans er að klárast og fær hann ekki nýjan samning hjá félaginu.
Annar leikmaður sem er með lausan samning, Harry Wilson, hefur fengið tilboð frá félaginu, en óvíst er hvað hann mun gera.
Wilson átti frábært tímabil og var valinn leikmaður ársins hjá félaginu. Marco Silva, sem er að taka við Benfica, vill fá hann með sér til Portúgals og þá hafa Aston Villa, Leeds og Everton einnig áhuga á því að fá velska kantmanninn.
FRÉTTIR08.06.2026, 12:34
Ingvar Jónsson hefur framlengt samning sinn við Víking og er hann nú samningsbundinn félaginu út tímabilið 2027.
Ingvar berst nú við krabbamein og hefur því ekki leikið með félaginu í undanförnum leikjum.
Víkingur samdi við Ögmund Kristinsson á undanþágu frá KSÍ fyrr í dag og tilkynnti um framlengingu á samningi Ingvars samhliða því.
FRÉTTIR08.06.2026, 11:13
Ögmundur Kristinsson er genginn í raðir Víkings en hann kemur frá Val þar sem hann samdi um starfslok í síðustu viku.
Samningurinn gildir út yfirstandandi tímabil. Hjá Víkingi mun hann veita Aroni Snæ Friðrikssyni samkeppni um stöðuna í liðinu.
Víkingur óskaði eftir því að fá undanþágu frá KSÍ að fá Ögmund strax til sín í neyðarskiptum utan glugga vegna veikinda Ingvars Jónssonar og meiðsla Ugga Jóhanns Auðunssonar. Þegar þetta er skrifað er Ögmundur ekki kominn með leikheimild.
<b>Uppfært 11:40:</b> Ögmundur er kominn með leikheimild með Víkingi frá og með morgundeginum.
FRÉTTIR07.06.2026, 22:49
Florentino Perez verður áfram forseti Real Madrid á Spáni til 2030 en þetta varð ljóst eftir úrslit kosningananna í kvöld. Hann hafði sigur gegn Enrique Riquelme.
FRÉTTIR07.06.2026, 20:34
Hollenska félagið Feyenoord hefur staðfest að Robin van Persie hafi verið látinn fara frá félaginu.
FRÉTTIR06.06.2026, 17:29
Enska úrvalsdeildarfélagið Brighton hefur fest kaup á nígeríska kantmanninum Zadok Yohanna frá sænska félaginu AIK. Hann skrifaði undir fimm ára samning við Brighton í dag.
FRÉTTIR06.06.2026, 09:00
Hinn 62 ára gamli Tony Mowbray hefur verið ráðinn aftur til Blackburn Rovers fjórum árum eftir að hafa yfirgefið félagið til að taka svo við Sunderland sumarið 2022.
FRÉTTIR05.06.2026, 22:25
Milos Milojevic hefur verið ráðinn sem aðalþjálfari Al-Nasr sem leikur í Dúbaí í Sameinuðu arabísku furstadæmunum.
