Tveir leikir fóru fram í Pepsi Max deild kvenna nú í kvöld. Á Hlíðarenda áttust Valur og Stjarnan við og í Hafnarfirði fékk FH lið Þróttar í heimsókn.
Valsstúlkur lentu ekki í teljandi vandræðum með lið Stjörnunnar og unnu öruggan 3-0 sigur. Hlín Eiríksdóttir, Ída Marín Hermannsdóttir og Ásdís Karen Halldórsdóttir skoruðu mörk Vals.
„Valskonur bæta hér við þriðja markinu! Hlín kemur með flotta fyrirgjöf frá hægri sem lendir hjá Elínu Mettu sem á skot í varnarmann. Þaðan berst boltinn til Ásdísar sem skorar af öryggi," skrifaði Helga Katrín Jónsdóttir um mark Ásdísar í textalýsingunni í kvöld.
Þróttur vann sinn fyrsta sigur í sumar þegar liðið lagði FH að velli 1-2 í Hafnarfirði. Stephanie Mariana Ribeiro gerði bæði mörk Þróttara. FH er hins vegar enn í leit að sínum fyrsta sigri.
„Lokamínúta fyrri hálfleiks var ótrúleg. Þá áttu FH-ingar að fá víti en fengu í staðinn rautt spjald og mark beint í andlitið," skrifaði Mist Rúnarsdóttir í textalýsingunni.
Valur 3 - 0 Stjarnan
1-0 Hlín Eiríksdóttir ('5 )
2-0 Ída Marín Hermannsdóttir ('16 )
3-0 Ásdís Karen Halldórsdóttir ('60 )
FH 1 - 2 Þróttur R.
0-1 Stephanie Mariana Ribeiro ('1 )
1-1 Hrafnhildur Hauksdóttir ('36 )
1-2 Stephanie Mariana Ribeiro ('45 )
Athugasemdir
