Lið vikunnar í enska - Rooney og Torres frammi

Markvörður - Tim Howard, Everton
Nikica Jelavic fékk fyrirsagnirnar eftir sigurmark gegn Tottenham en Howard á ekki minni heiður af sigrinum.

Hægri bakvörður - Steven Whittaker, Norwich
Hefur heldur betur reynst Norwich vel síðan hann kom frá Rangers í Skotlandi. Skoraði sitt fyrsta mark fyrir Norwich um liðna helgi.

Miðvörður - Sebastien Bassong, Norwich
Hefur verið einn besti varnarmaður tímabilsins. Þó Norwich hafi fengið þrjú mörk á sig þá átti Bassong góðan leik, skoraði eitt af fjórum mörkum liðsins.

Miðvörður - Brede Hangeland, Fulham
Lundúnaliðið er ekki samt án Norðmannsins hávaxna. 1,46 stig að meðaltali með hann en 0,33 án hans. Lykilmaður með stóru L-i.

Vinstri bakvörður - Glen Johnson, Liverpool
Ekki bara valinn fyrir markið sem hann skoraði gegn West Ham. Átti frábæran leik á heildina litið.

Hægri kantur - Robert Snodgrass, Norwich
Skoraði sigurmarkið gegn Swansea.

Miðjumaður - Jack Wilshere, Arsenal
Verður betri með hverjum leiknum. Ef hann heldur áfram að vaxa svona eru það bara góðar fréttir fyrir enska landsliðið.

Miðjumaður - Mikel Arteta, Arsenal
Gerði það sem hann átti að gera og skilaði vítunum gegn West Brom í netið. Hefur skorað úr 12 af 14 vítum sem hann hefur tekið í ensku úrvalsdeildinni.

Vinstri kantur - Juan Mata, Chelsea
Gríðarlega skemmtilegur leikmaður. Leggur upp á félagana og vinnur eins og hestur.

Sóknarmaður - Wayne Rooney, Manchester United
Yngstur til að ná 150 úrvalsdeildarmörkum. Manchester City hafði enga stjórn á honum í fyrri hálfleik.

Sóknarmaður - Fernando Torres, Chelsea
Sjálfstraust hans er að koma aftur. Var frábær gegn Sunderland og skoraði tvö mörk.

Sjá einnig:
Fyrri úrvalslið í enska