Championship: Portsmouth bjargaði stigi í lokin

Úlfarnir og Portsmouth skildu jöfn, 1-1, í frestuðum leik úr 6. umferð ensku B-deildarinnar á Molineux-leikvanginum í kvöld.

Jordan James kom Úlfunum yfir á 62. mínútu eftir góða sendingu frá Fernando Lopez sem kom honum í skotfæri hægra megin í teignum. James ákvað að skjóta í nærhornið þrátt fyrir að markvörður Portsmouth væri nánast búinn að loka því og tókst honum að koma boltanum í netið.

Gestirnir neituðu hins vegar að gefast upp og tókst að jafna metin undir lok leiksins. Portsmouth fékk aukaspyrnu sem fór í varnarvegginn og boltinn barst til Terry Devlin við vítateigslínuna. Hann tók við honum með hnénu og hamraði honum síðan í vinstra hornið.

Fleiri urðu mörkin ekki og þurftu liðin því að sætta sig við skiptan hlut.

Úlfarnir fara með stiginu upp í sjöunda sæti deildarinnar með 18 stig, en Portsmouth situr í 13. sæti með 15 stig.