Yfirlýsing frá Carrick: Ótrúlega þakklátur og stoltur

Carrick tók við Man Utd í janúar og náði mögnuðum árangri með liðið á síðustu leiktíð. Hann segist skilja að félagið hafi ákveðið að reka sig, þrátt fyrir að lærlingar hans hafi átt tvo góða leiki fyrir landsleikjahlé. United vann glæsilegan endurkomusigur gegn Roma í miðri viku eftir að hafa lent 0-2 undir og tókst að vinna upp tveggja marka forystu í tvígang gegn Aston Villa um helgina til að bjarga stigi í átta marka leik.

„Ég er ótrúlega þakklátur fyrir að hafa fengið að upplifa tækifærið að þjálfa draumaliðið mitt, það eru mjög fáir sem hafa hlotið þann heiður. Ég elska Manchester United og ég átta mig á ábyrgðinni sem fylgir því að vera hjá félaginu. Þetta er öðruvísi heldur en hjá hvaða öðru félagsliði sem er," segir Carrick.

„Þetta er einstakt fótboltafélag með merkilega sögu og ríkar hefðir. Ég fann fyrir innblæstri á hverjum degi út af sögu félagsins og menningu. Stuðningsmenn félagsins eru ótrúlegir og ég vil þakka þeim innilega fyrir samfylgdina. Það besta við mitt starf hér var að horfa á áhorfendur leysa tilfinningar sínar úr læðingi og missa sig úr gleði. Ég elska þetta félag og vildi gera mitt af mörkum til að gefa eitthvað til baka til stuðningsmanna eftir allt sem hefur verið gefið mér."

Rauðu djöflarnir eru afar óvænt í fallsæti í úrvalsdeildinni með 8 stig eftir 10 umferðir. Þeir eiga 6 stig eftir 4 umferðir í Meistaradeildinni.

„Ég veit að við höfum ekki verið að ná í góð úrslit upp á síðkastið en ég finn samt ekki fyrir neinu öðru heldur en ást frá stuðningsmönnum. Stuðningsmenn annarra félagsliða myndu snúa baki í mig og láta í sér heyra, en ekki stuðningsmennirnir hér. Þeir stóðu við bakið á mér frá upphafi til enda. Það þýðir mjög mikið fyrir mig, miklu meira heldur en einn eða tveir sigrar. Þetta er ástæðan fyrir því að ég varð ástfanginn af þessu félagi fyrir svo mörgum árum síðan.

„Ég vil þakka þjálfarateyminu sérstaklega fyrir. Þið lögðuð allt í sölurnar á hverjum degi og ég hefði ekki getað beðið ykkur um meira framlag. Ég er ykkur ótrúlega þakklátur fyrir hollustuna sem þið sýnduð, vinnuframlagið og stuðninginn. Sömuleiðis vil ég þakka öllu starfsfólkinu sem starfar á bak við tjöldin.

„Að lokum vil ég þakka leikmannahópinum alls hins besta fyrir framtíðina. Ég verð áfram stuðningsmaður Manchester United, það mun aldrei breytast. Ég óska þess að liðið náði góðum árangri, ég mun alltaf vera stoltur af því að hafa leikið mitt hlutverk. Núna mun ég horfa á leikina frá áhorfendapöllunum og hvetja liðið áfram sem stuðningsmaður."