Malen, Maguire, Rashford, Greenwood, Yoro, Eriksen og fleiri góðir í slúðri dagsins
   mið 23. september 2020 09:15
Elvar Geir Magnússon
PSG vill Dele Alli - Brooks orðaður við Man Utd
Powerade
Dele Alli til frönsku höfuðborgarinnar?
Dele Alli til frönsku höfuðborgarinnar?
Mynd: Getty Images
David Brooks.
David Brooks.
Mynd: Getty Images
Sergio Romero.
Sergio Romero.
Mynd: Getty Images
Félagaskiptaglugganum á Englandi verður lokað þann 5. október og það er nóg af slúðri í gangi. BBC tók saman.

Forráðamenn Paris St-Germain telja líklegt að Dele Alli (24) sé tilbúinn að koma til félagsins á láni í eitt ár. Dele Alli var ekki í leikmannahópi Tottenham um helgina en hann hefur ekki sýnt stöðugleika undanfarin tvö ár. (Mail)

PSG hefur einnig áhuga á franska miðjumanninum Tiemoue Bakayoko (26) hjá Chelsea. (Le 10 Sport)

Miðjumaðurinn David Brooks (23) hjá Bournemouth er orðaður við Manchester United en 40 milljóna punda verðmiðinn gæti reynst hindrun. (MEN)

Fjölmiðlar eru misvísandi í fréttaflutningi af Ousmane Dembele (23) og Manchester United. Daily Record segir að United færist nær því að kaupa hann en Daily Mail segir ljóst að Dembele sé ekki á förum frá Barcelona. (Sky Sports)

Franski varnarmaðurinn Jean-Clair Todibo (20) hjá Barcelona er á lista yfir miðverði sem Everton er að skoða. Everton hefur áhuga á að fá hann lánaðan. (Liverpool Echo)

Enski bakvörðurinn Max Aarons (20) hjá Norwich hefur náð munnlegu samkomulagi við Barcelona um fimm ára samning. (Sport)

Franski miðjumaðurinn Matteo Guendouzi (21) hjá Arsenal hefur lagt inn beiðni um að vera seldur. (Tribal Football)

Newcastle United hefur áhuga á pólska sóknarmanninum Arkadiusz Milik (26) hjá Napoli. (Corriere dello Sport)

Southampton er í viðræðum um kaup á enska miðjumanninum Tom Davies (22) frá Everton. (TalkSport)

Arsenal fær samkeppni í baráttunni um franska miðjumanninn Houssem Aouar (22) hjá Lyon. (Telegraph)

Argentínski markvörðurinn Sergio Romero (33) vill yfirgefa Manchester United. (Sun)

Þýski varnarmaðurinn Antonio Rudiger (27) hjá Chelsea er að íhuga stöðu sína hjá félaginu eftir að hafa verið skilinn eftir utan hóps. (Sky Sports)

Framtíð enska vængmannsins Callum Hudson-Odoi (19) hjá Chelsea er einnig í óvissu. (Guardian)

Þýski varnarmaðurinn Jonathan Tah (24) hjá Bayer Leverkusen er á óskalista Leicester City. (Kicker)

Saint-Etienne hefur hafnað 30 milljóna punda tilboði í franska miðvörðinn Wesley Fofana (19). (L'Equipe)

Fulham er að íhuga kaup á Ademola Lookman (22) hjá RB Leipzig. Lookman er fyrrum leikmaður Everton og Charlton. (Evening Standard)

Jesse Lingard (27), miðjumaður Englands og Manchester United, er ekki á leið til Tottenham. (Athletic)

Manchester United íhugar að nýta sér klásúlu um eins árs framlengingu á samningi Lingard til að verðmæti hans minnki ekki. (Sun)

Franska félagið Angers hefur áhuga á marokkóska vængmanninum Sofiane Boufal (27) hjá Southampton. (L'Equipe)

Velski vængmaðurinn Daniel James (22) mun líklega ekki yfirgefa Manchester United í þessum glugga þrátt fyrir að hafa verið orðaður við Leeds United. (MEN)
Athugasemdir
banner
banner