Portúgalskir fjölmiðlar telja að Andre Villas-Boas gæti orðið næsti þjálfari Roma á Ítalíu. Stuðningsmenn Roma hafa hrópað á að Luis Enrique verði látinn taka pokann sinn eftir slæmt gengi.
Spánverjinn skrifaði undir tveggja ára samning við Rómarliðið í fyrra og fékk það verkefni að breyta leikstíl liðsins. Stjórn félagsins hefur staðið við bakið á honum þó frammistaða liðsins hafi verið undir væntingum.
Roma reyndi að fá Villas-Boas þegar hann yfirgaf Porto fyrir Chelsea á sínum tíma. Þessi ungi knattspyrnustjóri var síðan rekinn frá Lundúnafélaginu.
Hann hefur einnig verið orðaður við spænska félagið Valencia.
Athugasemdir