Eyjamenn eiga tvo leikmenn í liði umferðarinnar. Abel Dhaira átti fjölmargar markvörslur og Spánverjinn Sito hélt sýningu og skoraði tvívegis.

Stjarnan og Víkingur gerðu 1-1 jafntefli. Gunnar Nielsen í marki Stjörnunnar var besti leikmaður heimamanna en því miður er bara eitt pláss í markinu. Hallgrímur Mar Steingrímsson var bestur hjá Víkingum en hann hefur verið magnaður síðan hann kom úr meiðslum og er í liðinu. Haxgrímur skoraði mark Víkinga.

Breiðablik vann Val 1-0 á Laugardalsvelli í gær. Miðverðir Breiðabliks, Damir Muminovic og Elfar Freyr Helgason áttu mjög góðan leik og er sá síðarnefndi í úrvalsliðinu. Besti leikmaður Vals var klárlega Bjarni Ólafur Eiríksson, öflugur í vörn og sókn.

Það var erfið fæðing hjá KR-ingum gegn Fylki en þeir unnu á endanum 2-0 sigur. Skúli Jón Friðgeirsson og Pálmi Rafn Pálmason eru í liðinu. Ásgeir Börkur Ásgeirsson var bestur Árbæinga en rétt missir af sæti í úrvalsliðinu.

Keflavík náði loksins í stig með 1-1 jafntefli gegn Fjölni. Frans Elvarsson var maður leiksins og Fjölnismaðurinn Kennie Chopart var öflugastur leikmanna Grafarvogsliðsins.

Síðast en ekki síst eru það fulltrúar toppliðsins. FH vann 3-2 sigur gegn ÍA þar sem Atli Viðar Björnsson skoraði tvívegis og þá var lágvaxni Belginn Jeremy Serwy einnig afar góður.

Fyrri úrvalslið:
14. umferð
13. umferð
12. umferð
11. umferð
10. umferð
9. umferð
8. umferð
7. umferð
6. umferð
5. umferð
4. umferð
3. umferð
2. umferð
1. umferð