Birkir Már átti fínan leik í kvöld.
Birkir Már Sævarsson átti fínasta leik er Ísland gerði 1-1 jafntefli við Úkraínu í fyrsta leik undankeppni HM sem fram fer í Rússlandi eftir tvö ár.
Bakvörðurinn var á móti einum besta leikmanni úkraínska liðsins, Yevhen Konoplyanka, en hann hélt honum vel í skefjum í kvöld.
Bakvörðurinn var á móti einum besta leikmanni úkraínska liðsins, Yevhen Konoplyanka, en hann hélt honum vel í skefjum í kvöld.
Lestu um leikinn: Úkraína 1 - 1 Ísland
„Mér fannst þetta ganga þokkalega, mér fannst ég halda honum þokkalega niðri. Hann gerði ekki svakalega mikið"
Hann segir stig á útivelli gegn Úkraínu sé mjög gott og er hann sáttur við úrslitin, sérstaklega í ljósi þess að Úkraína var betri aðilinn í seinni hálfelik.
„Eitt stig á útivelli er næstum því alltaf mjög gott. Við erum ánægðir með stigið, sérstaklega miðað við hvernig leikurinn þróaðist."
Áðurnefndur Konoplyanka tók víti í seinni hálfleik eftir að Arnór Ingvi gerðist brotlegur inni í teig en hann skaut í stöngina. Birkir segist hafa haft tilfinningu fyrir því að hann væri að fara að brenna af.
„Ég hafði tilfinningu fyrir að Hannes myndi taka það. Það var einhver tilfinning að hann myndi klikka á vítinu."
Viðtalið má sjá í heild sinni hér að ofan.
Athugasemdir
