Áfram halda fyrrum fótboltamenn að koma fram á Englandi og tilkynna að þeir hafi verið kynferðislega misnotaðir þegar þeir voru í yngri flokkum. Guardian greinir frá því að fyrrum leikmaður Newcastle hafi tilkynnt lögreglunni að hann hafi verið misnotaður þegar hann var í akademíu félagsins.
Maðurinn er ekki nafngreindur en hann sakar mann að nafni George Ormond, sem starfaði við þjálfun hjá félaginu, um að hafa misnotað sig.
Maðurinn er ekki nafngreindur en hann sakar mann að nafni George Ormond, sem starfaði við þjálfun hjá félaginu, um að hafa misnotað sig.
Lögreglan á Bretlandseyjum er að rannsaka mörg mál af þessu tagi en mikil vitundavakning er í gangi. Fjölmargir hafa sett sig í samband við lögregluna.
Nokkur fórnarlömb hafa komið fram í fjölmiðlum, þar á meðal Paul Stewart, fyrrum lykilmaður hjá Sunderland, og David Whitet og Andy Woodward. Þeir voru allir misnotaðir af þjálfurum sínum í æsku.
Barry Bennell, fyrrum þjálfari hjá Crewe Alexandra, Manchester City, Stoke og fleiri yngri liðum á Englandi, hefur verið miðpunktur skandalsins. Hann fékk fjögurra ára dóm fyrir að nauðga breskum strák í fótboltaferð til Flórída 1994 og svo níu ára dóm fyrir 23 brot gegn sex strákum á Englandi 1998.
Formaður enska knattspyrnusambandsins, Greg Clarke, skrifaði orðsendingu til 30 þúsund félaga og bað um að þessi mál yrði rætt innan þeirra.
Yfirmaður fótboltamála hjá Crewe, Dario Gradi, sendi frá sér yfirlýsingu þar sem hann lýsir yfir samúð sinni til fórnarlamba Barry Bennell. Hann segist fyrst hafa vitað af glæpum hans þegar hann var handtekinn í Bandaríkjunum 1994.
Newcastle hefur sagst ætla að veita lögreglunni alla þá hjálp sem hún óskar eftir og segir að ef aðrir aðilar hafi orðið fyrir kynferðislegri misnotkun hjá félaginu séu þeir hvattir til að láta lögregluna vita.
Athugasemdir
