Brasilíski varnarmaðurinn Felipe er genginn í raðir Inter Milan en hann kemur á frjálsri sölu frá Parma.
Felipe var á mála hjá Parma en yfirgaf félagið á dögunum. Þrátt fyrir að félagsskiptaglugginn sé lokaður var honum frjálst að yfirgefa félagið enda hafa leikmenn liðsins ekki fengið greidd laun svo mánuðum skiptir.
Felipe á ríflega 200 leiki að baki í Serie A en hann lék lengst af með Udinese þar sem hann var frá 2002-2010 en hefur verið á flakki undanfarin ár og meðal annars leikið fyrir Fiorentina.
Hann hefur fengið leikheimild með Inter og gæti leikið gegn sínum gömlu félögum í Fiorentina í dag.
Athugasemdir