Malen, Maguire, Rashford, Greenwood, Yoro, Eriksen og fleiri góðir í slúðri dagsins
   mið 01. mars 2017 14:00
Elvar Geir Magnússon
Bale: Ætlum að bjóða upp á bestu borgara í bænum
Bale opnar bar!
Bale opnar bar!
Mynd: Getty Images
Stjörnuleikmaðurinn Gareth Bale hefur tilkynnt að hann muni bráðlega opna sportbar í Cardiff í Wales. Elevens Bar & Grill mun staðurinn heita og verður í hjarta höfuðborgarinnar.

Staðurinn er nefndur eftir treyjunúmeri Bale og ber einkennismerki hans.

Bale sjálfur hefur tekið virkan þátt í að koma staðnum af stað. Hann hefur aðstoðað við að setja drykkjarseðilinn saman og smakkað þann mat sem verður í boði á staðnum.

„Það hefur verið markmið hjá mér að opna sportbar í Cardiff. Borgin þarf að hafa aðalstað þar sem hægt er að koma og horfa á íþróttir. Stórir viðburðir eru sýndir og hægt að fá sér góðan mat og drykki í vinalegu umhverfi," segir Bale.

„Ég hef komið á sportbari um allan heim og það er alltaf gott að komast á sportbari sem eru með pizzur, hamborgara og smárétti sem allir elska. Við stefnum á að bjóða upp á bestu bogarana í Cardiff."

Sportbarinn hans Bale er í góðu samstarfi við helsta bruggfyrirtæki Wales, Brains. Fyrirtækið hefur lengi verið einn helsti styrktaraðili knattspyrnusambands Wales.


Athugasemdir
banner
banner