Ólafur Helgi Kristjánsson fór með sína menn í Randers í gin ljónsins í Danmörku í kvöld þegar þeir heimsóttu danska stórveldið FCK á Parken í Kaupmannahöfn.

Landsliðsmarkvörðurinn Hannes Þór Halldórsson var á sínum stað í byrjunarliði Randers og lék allan leikinn á milli stanganna.

Rasmus Falk kom heimamönnum yfir snemma leiks og reyndist það eina mark leiksins.

Randers situr í fjórða sæti dönsku úrvalsdeildarinnar en FCK hefur algjöra yfirburði og er nú með 12 stiga forskot á toppi deildarinnar.