Heimild: mbl.is
Hjörtur hér í baráttunni með Bröndby
Hjörtur Hermannsson og félagar hans í danska úrvalsdeildarliðinu Bröndby voru sendir út að hlaupa seint í fyrrinótt eftir góðan útisigur á móti lærisveinum Ólafs Kristjánssonar í Randers. Þetta kemur fram á mbl.is.
Leiknum lauk með 1-0 sigri Bröndby og spilaði Hjörtur allan tímann í vörn síns liðs.
Leiknum lauk með 1-0 sigri Bröndby og spilaði Hjörtur allan tímann í vörn síns liðs.
Eftir þriggja og hálfs klukkutíma rútuferð frá Randers voru liðsmenn Bröndby ekki komnir heim til Kaupmannahafnar fyrr en um hálf þrjú um nóttina.
Í stað þess að halda heim á leið í rúmið ákvað Alexander Zorniger, þjálfari liðsins, að senda leikmenn sína út á völl, hrista úr sér rútuferðina og fara í endurheimt.
Bröndby, sem er í öðru sæti dönsku deildarinnar, sækir Esbjerg heim á morgun og leikur þá sinn þriðja leik á einni viku.
Athugasemdir
