U17 ára lið karla tapaði 1-2 gegn Hollandi í fyrsta leik liðsins í undankeppni EM 2018, en leikið er í Hollandi.

Það var Andri Lucas Guðjohnsen sem skoraði mark Íslands úr vítaspyrnu í síðari hálfleik. Andri Lucas, er eins og nafnið gefur til kynna, sonur Eiðs Smára Guðjohnsen, sem er markahæsti leikmaðurinn í sögu íslenska landsliðsins.

Andri Lucas var með fyrirliðaband Íslands í gær en faðir hans var um nokkurt skeið fyrirliði íslenska A-landsliðsins.

Ísland leikur næst á laugardaginn gegn Tyrklandi og síðan á þriðjudaginn gegn Ítalíu.