Ante Cacic.
Ante Cacic, þjálfari Króatíu, var rekinn í dag eftir óvænt 1-1 jafntefli gegn Finnum á heimavelli í gær.
Króatar hafa einungis unnið einn af síðustu fjórum leikjum eftir að hafa verið í toppsæti I-riðils í undankeppninni lengi vel.
Ísland er nú í toppsætinu fyrir lokaumferðina á mánudag á meðan Króatar mæta Úkraínu á útivelli í leik sem þeir mega ekki tapa. Ef Úkraína vinnur þá er ljóst að Króatar enda í þriðja sæti riðilsins og fara ekki á HM.
Króatar hafa einungis unnið einn af síðustu fjórum leikjum eftir að hafa verið í toppsæti I-riðils í undankeppninni lengi vel.
Ísland er nú í toppsætinu fyrir lokaumferðina á mánudag á meðan Króatar mæta Úkraínu á útivelli í leik sem þeir mega ekki tapa. Ef Úkraína vinnur þá er ljóst að Króatar enda í þriðja sæti riðilsins og fara ekki á HM.
Hinn 64 ára gamli Cacic tók við Króatíu af Niko Kovac fyrir rúmum tveimur árum og kom liðinu á EM í fyrra.
Pressan hefur hins vegar aukist á honum eftir dapurt gengi Króata á þessu ári. Dýfa þeirra hófst eftir 1-0 tapið gegn Íslandi á Laugardalsvelli í júní.
Cacic var í miklu uppnámi eftir jafnteflið gegn Finnum í gærkvöldi þar sem Pyry Soiri jafnaði á 90. mínútu.
Í viðtali eftir leik ruglaðist Cacic ítrekað á Finnlandi og Íslandi. Þar talaði hann oft um Ísland þegar hann ætlaði að segja Finnland. Independent greinir frá þessu.
Í morgun var Cacic síðan rekinn en Zlatko Dalic stýrir Króatíu í leiknum mikilvæga í Úkraínu á mánudagskvöld.
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
