Vural hefur komið víða við í þjálfun í Tyrklandi en hefur nú tekið að sér að lýsa leikjum fyrir landsliðið.

Hann var vonsvikinn eins og restin af tyrknesku þjóðinni í gær og átti afar áhugaverðar setningar í lýsingu sinni.

Hér fyrir neðan má lesa nokkrar áhugaverðar setningar en hann sagði meðal annars að íslenska liðið væri ekki sterkt og að þetta væri hrein niðurlæging.

„Það er ekki til neitt sem heitir að spila leiki. Ísland er ekki með sterkt lið. Þetta er ekki okkar lið sem er að spila á þessum velli," sagði Vural eftir þriðja mark Íslands.

„Króatía og Ísland munu klára þessa undankeppni. Við vorum heppnir í leiknum gegn Króatíu, þeir klúðruðu fullt af færum og við nýttum okkar. Ég gæti sagt eitthvað núna en það myndu allir misskilja það."

„Ég mun ekki tala næstu fjóra eða fimm mánuði en ég mun tala aftur. Ég veit ekki hvað gerist þegar maður talar, hver græðir eiginlega á því?" sagði hann ennfremur.

Mikið svekkelsi í gangi í Tyrklandi greinilega.