Hazard varð aðeins fjórði hæsti leikmaðurinn úr ensku úrvalsdeildinni í kjörinu og Conte segir að hann þurfi að hjálpa Chelsea að vinna fleiri titla til þess að enda ofar.

„Toppleikmenn þurfa að hafa metnað til þess að vinna Meistaradeildina og Heimsmeistarakeppnina. Hazard er ungur leikmaður og hefur hæfileikana til þess að verða einn af þeim bestu."

Eden Hazard hefur verið orðaður við Real Madrid í vetur en Conte vildi ekki ræða framtíð leikmannsins. Hann var hinsvegar tilbúinn til þess að ræða um miðjumanninn N'golo Kante sem endaði í áttunda sæti í kjörinu um gullknöttinn og var hæstur leikmanna úr ensku úrvalsdeildinni.

„Það er ekki einfalt fyrir leikmann eins og Kante að lenda í áttunda sæti. Ég er stoltur af honum, ég held að allir sjái hversu frábær leikmaður hann er. Að mínu mati er hann sá besti í heimi í sinni stöðu."

Hazard og Kante verða líklega báðir í byrjunarliði Chelsea sem mætir West Ham í hádegisleik morgundagsins í ensku úrvalsdeildinni klukkan 12:30.