,,Fín spilamennska á köflum við sköpuðum okkur bara of fá færi, það var það sem við erum óánægðir með," sagði Freyr eftir tapið.

,,Þetta er samt ekkert nýtt, við erum ekki búnir að spila neitt glimrandi á þessu Reykjavíkurmóti, erum búnir að koma okkur áfram á því að spila ágætis varnarleik, en samt fáum við á okkur alltof mörg mörk."

Freyr var ekki óánægður með frammistöðu sinna manna í leiknum en kenndi helst sköpunarleysi í sóknarleiknum um tapið.

,,Í dag voru þetta bara skyndisóknir hjá þeim, þeir voru ekki búnir að fara yfir miðju þegar þeir komust í 1-0. Fyrsti bolti í gegn og mark.

,,Þá geta þeir pakkað í vörn, sem þeir gerðu bara mjög vel og við vorum lélegir sóknarlega."

Leiknir heimsækir Val í fyrstu umferð Pepsí-deildar karla sem hefst sunnudaginn 3. maí.