 |
Sigurbjörn Hreiðarsson.
Landsliðið á æfingu í gær.
 |
Eftir gott gengi í síðustu undankeppni er bjartsýni fyrir komandi undankeppni sem hefst í kvöld með leik gegn Tyrkjum á Laugardalsvelli.
Holland, Tékkland, Lettland og Kasakstan eru einnig í riðlinum og Sigurbjörn segir að riðillinn sé mjög erfiður.
,,Ég met möguleikana ekki mikla að lenda í 2-3 efstu sætunum í þessum riðli. Ég tel að við eigum að stefna á að komast í 4. styrkleikaflokk. Það eru mjög sterk lið í riðlinum sem ég held að við gætum lent í veseni með," sagði Sigurbjörn við Fótbolta.net.
,,Liðin sem við erum að mæta eru sterkari og betri þjóðir en síðast. Það gæti orðið þrautuinni þyngra að eiga við þennan riðil. Við erum hærra skrifaðir hjá öðrum og menn taka okkur alvarlega núna."
Sigurbjörn ætlar að sjálfsögðu að mæta á völllinn í kvöld og hann bíður spenntur eftir leiknum.
,,Það verður fullur völlur væntanlega og það er meðbyr með landsliðinu. Það er fullt af leikmönnum að spila vel með sínu liði og ég er spenntur."
,,Ef leikurinn vinnst núna verður allt vitlaust. Við eigum fjóra leiki í ár og þetta er erfitt prógram. Fólk þarf að vera rólegt, þetta eru engar smá þjóðir í þessum riðli. Ég sé okkur sem lið númer fjögur."
Hér að ofan má sjá viðtalið í heild sinni.
Athugasemdir
